निर्मला हत्याकाण्डः बल्ल आयो बम दिदीबहिनीको जवाफ, हाम्रो घरबाट दिउसै फर्केकी हुन (बिस्तृतमा) !
काठमाडौं । कञ्चनपुरको भिमदत्त नगरपालिका उल्टाखामकी १३ वर्षीया बालिका निर्मला पन्तको बलात्कारपछि हत्या घटनाको रहस्य अझै पत्ता लाग्न सकेको छैन । निर्मलाको हत्या कसले ग¥यो भन्ने सुईको समेत पत्ता लागेको छैन । हत्या अनुसन्धानमा खटिएका विभिन्न टोलीले प्रमाण नष्ट गरेको भन्दै घटनाको वास्तविकतासम्म पुग्न नसकेको प्रतिवेदन सार्वजनिक गरेका छन् ।सरकारले निर्मला पन्त हत्याको अनुसन्धानका क्रममा लापरवाही गरेको भन्दै कञ्चनपुरका तत्कालिन एसपी डिल्लिराज बिष्ट र प्रहरी निरीक्षक जगदीश भट्टलाई निलम्बनपछि बर्खास्त गरिसकेको छ । गृह मन्त्रालयले सोधेको स्पष्टिकरणको जवाफ चित्तबुझ्दो नआएको भन्दै उनीहरुलाई बर्खास्त गरिएको छ । पन्त हत्या छानबिनका संयोजक गृह मन्त्रालयका सहसचिव हरिप्रसाद मैनाली र मानवअधिकारको प्रतिवेदनले तत्कालिन प्रहरी प्रमुख बिष्ट र बम दिदीबहिनी वविता र रोशनीमाथि छानबिन गर्नुपर्ने उल्लेख गरेको थियो ।
तर, सरकारका विभिन्न अनुसन्धान टोलीले घटनाको प्रमाणलाई निस्तेज पारेको भन्दै भौतिक सवुत फेला नपरेको बताए । सवुतका रुपमा रहेको निर्मलाको गुप्तांगबाट फेला परेको भेजिलन स्वावसँग आरोपी भनिएका दिलिप बिष्ट, तत्कालिन प्रहरी प्रमुख डिल्लिराज बिष्ट र उहाँका छोरा किरण बिष्टको डिएनएले मेल खाएन । घटना झनै रहस्यमय बन्दै गयो । बम दिदीबहिनीको घरबाट फर्किने क्रममा हराएकी निर्मला पन्तको हत्यारा को हो त ? सबैको मनमा खुल्दुली कायमै छ ।
के भन्छन् बम दिदीबहिनी ?
कञ्चनपुर निवासी वविता बम र रोशनी बमले निर्मला हत्याका बिषयमा आफूहरुलाई केहीपनि थाहा नभएको बताउँदै आएकी छन् । उनीहरुले निर्मला घरमा आएको र दिउँसै फर्किएको भन्दै त्यसपछि के भयो भन्ने बिषय आफूहरुलाई जानकारी नभएको बताएकी हुन् । उनीहरुमाथि प्रहरी र अनुसन्धान टोलीले कडा निगरानी बढाउँदा समेत कुनै प्रमाण फेला पर्न सकेन । हालपनि उनीहरुले आफूहरुलाई लगाएको आरोप निराधार रहेको बताएकी छन् ।
Comments
Post a Comment