मध्यरातमा गाडी र यात्रु छोडेर ड्राईभर भागेपछि…
दशै, तिहार तथा छठ मनाउन घर फर्किएकाहरु कर्मक्षेत्र फर्कने क्रम चलिरहँदा बस व्यवसायिका समिति तथा टिकट काउन्टरबाट यात्रुहरु माथि चरम लापरबाही भइरहेको पाईएको छ । बर्दियाबाट काठमाण्डौ लैजाने भन्दै बुधबार सानोश्रीबाट यात्रु बोकेर हिडेको ना ७ ख ६९८ नं. बसका चालकले ११ जना यात्रुलाई रातिको करिब १२ बजे गाडी मै छोडेर भागेपछि पीडितहरु न्याय माग्दै ईलाका प्रहरी कार्यालय सानोश्री पुगेका छन् । काउन्टरले पाउने कमिसनको खेल र समितिबीचको द्धन्दले यात्रुहरु मध्यरातमा सडकमै वेवारिसे बनाइएको ईलाका प्रहरी कार्यालयका सानोश्रीका प्रमुख प्रहरी नायव निरिक्षक गणेशमान खडकाले जानकारी दिनुभयो ।गाउँ तथा बजारका विभिन्न ठाउँमा कमिसन पाउने आशामा अव्यवस्थित रुपमा खुलेका टिकट काउन्टरको लापरवाहिका कारण लामो दुरीका यात्रुहरुले समस्या खेप्न बाध्य छन् । सानोश्रीबाट टिकट काटेका यात्रु बोकेर ताराताल काउन्टरका यात्रु लिन गएकोे बसका चालक सोम प्रसाद चौधरी मध्यरातमा गाडी र यात्रु छोडेर भागेको बस सवार यात्रुहरुले बताए । अलपत्र यात्रुलाई प्रहरीले राति नै उद्धार गरि बसलाईे नियन्त्रण लिएको छ । विहिबार विहान भएको सर्वपक्षिय छलफलबाट अलपत्र पारिएका यात्रुलाई गन्तव्यमा पठाउने गरि सहमति भएको ईलाका प्रहरी कार्यालयले जनाएको छ ।
यस्तो थियो काउन्टर र समितिबीचको खेल
काठ्माण्डौ लैजाने भन्दै यात्रु लिएर हिडेको बसका यात्रुलाई बाटोमै अलपत्र पार्ने खेलले यातायात व्यवसायिको दादागिरी र सिन्डिकेट अन्त्य नभएको प्रष्ट पारेको छ । सरकारले यातायातका समिति खारेज गर्ने निर्णय गरेपछि बर्दियामा रहेको कृष्णसार यातायात व्यवसायि संघबाट फाटेर केही व्यक्तिहरुले कृष्णसार यातायात प्रा.लि दर्ता गरेका थिए । पछि सरकार समिति खारेजीको समय सिमा बढाए पछि पुरानो समिति कायम नै छ । प्रा.ली. मातहतमा गाडी संख्या कम भएपछि कृष्णसार यातायात प्रा.लि.ले बाँकेको नमस्ते नेपाल र पब्लिक मेट्रो सर्भिस प्रा.लि.संग समन्वय गरि यात्रु पठाउने गरेको छ । साही अन्तरगत नमस्ते नेपाल प्रा.लि. र कृष्णसार यातायात प्रा.लि. सानोश्री,ताराताल, खैरापुर तथा गुलरियाका काउन्टरले काठमाण्डौका लागि टिकट काटेका थिए । तर बुधबार प्रा.लि अन्तरगतको गाडी नपाईएपछि सानोश्री काउन्टरमा बसेका भाष्करदेव गिरिले खाली गाडी खोजे तर भेटिएन । यात्रु बेलुका देखि नै काउन्टरमा पुगेर बसको प्रतिक्षा गरिरहेका थिए । त्यसपछि उनिहरुले नै पुरानो कृष्णसार यातायात समितिको बस खोजे । तारातालमा रहेको कृष्णसार यातायात समितिले टिकट काटेका व्यक्ति र प्रा.लि.का तर्फका गरि दुवै तर्फका यात्रुलाई ना ७ ख ६८९ नं. बस खालि भएकोले लैजाने भनियो । दुई समिति विच ६० हजारमा बुकिङ्ग मौखिक सम्झौता भयो ।
Comments
Post a Comment