‘भाईटिकाको दिन’ बन्यो पार्वतीको लागी जिन्दगीको अन्तिम

कञ्चनपुर, कार्तिक २४ । जिल्लाको भीमदत्तनगरपालिकामा जीपको ठक्करबाट एक किशोरीको ज्यान गएको छ । शुक्रबार नगरपालिकाको १३ बडैपुर साझा चौराह नजिकैको घुम्तीमा स्कुटीमा सवार पार्वती बोहरालाई से १ ज ८८५ नम्बरको जिपले ठक्कर दिदा उनको ज्यान गएको हो ।

पार्वतीको घटनास्थलमै मृत्यु भएको प्रहरीले जनाएको छ । ठक्कर दिने जिप र चालक प्रहरीले नियन्त्रणमा लिएको छ ।