अष्ट्रेलिया जान्छु भन्दै सुदिपले परिवारलाइनै ढाट्नुको यस्तो रहेछ भित्रि कारण,उनले १ महिना अगाडी….
विगत ६ दिनदेखि भरतपुरबाट बेपत्ता भएका सुदिप सापकोटा तेह्रथुमको एक होटलमा आज भेटिएका छन् । प्रहरीको विशेष अनुसन्धान टोलीले सापकोटालाई तेह्रथुमको एक होटलमा फेला पारेको चितवनका प्रहरी प्रमुख सुशी लसिंह राठौंरले जानकारी दिए ।सुदिपसँग भएको अष्ट्रेलियन भिसा नै फेक भएको प्रहरीले जनाएको छ । अष्ट्रेलिया जाने तयारीमा रहेको भनिएका सापकोटा गत सोमबार नारायणगढबाट किनमेल गरेर घर फर्कदै गर्दा भरतपुरबाट बेपत्ता भएका थिए ।अष्ट्रेलिया जाने तयारीमा रहेको व्यक्ति एकाएक हराएको खबरले चितवनमा सनसनी फैलिएको थियो ।उनको एक महिना अगाडि मात्र विवाह भएको थियो । उनले अष्ट्रेलिया जाने तयारी गरिरहेको परिवार तथा आफन्तलाई बताउँदै आएका थिए । सुदिपले भारतमा बसेर कम्प्युटर इन्जिनियरको पढाइ सकेको परिवार स्रोतले बताएको थियो ।
इलाका प्रहरी कार्यालय टाँडीका डीएसपी दयानिधी ज्ञवालीले अष्ट्रेलिया जान भनेर सापकोटाले बनाएको सबै डकुमेन्ट फेक भएको जानकारी दिएका छन् । सापकोटाको ल्यापटपमा भएको डकुमेन्ट र अन्य अनुसन्धान गर्दा भिसा फेक देखिएको उनले बताए । यसै कारण सापकोटा भागेको हुनसक्ने डीएसपी ज्ञवालीको अनुमान छ ।
सापकोटाको मोबाइल ट्यापिङका आधारमा भेट्टाउन सफल भएको प्रहरीको भनाइ छ । सापकोटाले मोबाइल अफ गरे पनि वाइफाइ भने निरन्तर चलाएको प्रहरी अनुसन्धानबाट खुलेको छ । साप कोटा तेह्रथुम प्रहरीको नियन्त्रणमा रहेको र उनलाई लिन परिवारका सदस्य त्यसतर्फ लागेको बाबु गंगा सापकोटाले जानकारी दिए ।
Comments
Post a Comment