मलेसियामा एक नेपालीको शव फेला
मंसिर ५- मलेसियामा सुरक्षा गार्डको पोशाकमा एक नेपालीको शव फेला परेको छ । मलेसियाको जलानमा ट्राफिक लाइट नजिकैको झाडीमा शव भेटिएको मलेसियाको प्रहरीले जनाएको छ ।उनको नाकबाट रगत बगेको र देब्रे हातको चोरी औंलामा पनि चोट लागेको अवस्थामा भेट्यौं, उनले सुरक्षा गार्डको पोशाक लगाएका थिए,’ प्रहरीको भनाईलाई उद्धृत गर्दै मलेसियाको अनलाइन ‘द स्टार’ले लेखेको छ ।
कसैले हत्या गरेको हो वा उनको अरु नै कारणले मृत्यु भएको भन्नेबारे नखुलेको प्रहरीले जनाएको छ ।मृतक नेपाली भएको पत्ता लागेपनि उनको नाम भने खुलेको छैन ।
Comments
Post a Comment