अमेरिकामा ह्यारीको विजय र नेपालमा समावेशीताको प्रश्न

नोभेम्बर ६ अमेरिकामा निर्वाचनको निर्धारित दिन हो । अमेरिकामा जति पनि निर्वाचन हुन्छन्, नोभेम्बर ६ का दिन हुन्छन् । जस जसको कार्यकाल जुन वर्ष सकिँदै जान्छ, त्यही वर्षको नोभेम्बर ६ मा खाली ठाउँको निर्वाचन हुन्छ । औसत निर्वाचन चक्र २ वर्षमा आउँछ । सन् २०१८ को निर्वाचन सन् २०१६ को राष्ट्रपति निर्वाचन, जसले डोनाल्ड ट्रम्पलाई जिताएको थियो, त्यसको २ वर्षपछि यसैसाता सम्पन्न भयो ।

यो निर्वाचन सिनेट, हाउस अफ रिप्रेजेन्टेटिभ, गर्वनर, हाउस अफ डेलेगेट्स र स्थानीय निकायको थियो । यो निर्वाचन नेपालमा यसर्थ चर्चामा रह्यो कि नेपाली मूलका ह्यारी भण्डारीले मेरीलैण्डको प्रदेशसभा ( हाउस अफ डेलेगेट्स) मा चुनाव जिते । नेपाली मूलको अमेरिकी नागरिक अमेरिकी राजनीतिमा अहिलेसम्मको सबैभन्दा ठूलो पदमा चुनाव जितेको रेकर्ड रहेछ यो ।